第五十二卦 【山】艮為山 艮上艮下

艮　：艮其背，不獲其身，行其庭，不見其人，無咎。

　　彖曰：艮，止也。時止則止，時行則行，動靜不失其時，其道光明。

　　　　　艮其止，止其所也。

　　　　　上下敵應，不相與也。是以不獲其身，行其庭不見其人，無咎也。

　　象曰：兼山，艮；君子以思不出其位。

　　初六：艮其趾，無咎，利永貞。

　　象曰：艮其趾，未失正也。

　　六二：艮其腓，不拯其隨，其心不快。

　　象曰：不拯其隨，未退聽也。

　　九三：艮其限，列其夤，厲薰心。

　　象曰：艮其限，危薰心也。

　　六四：艮其身，無咎。

　　象曰：艮其身，止諸躬也。

　　六五：艮其輔，言有序，悔亡。

　　象曰：艮其輔，以中正也。

　　上九：敦艮，吉。

　　象曰：敦艮之吉，以厚終也。

　　講議篇 第五十二卦 艮為山

　　問前程：唔好急於進行一件事，唔要成某個目的，一定要經過一個過程，千祈唔好希望立刻有收成，用盡人事以聽天命的心理準備就會開心Ｄ

　　問婚姻：呢段婚姻就真繫好穩陣，但系絕對唔系羅曼帝克的婚姻，問離婚就唔符合卦義，所以唔主張離婚。

　　問事業：就好難有人幫，呢個卦象系兩山重疊，含有聚沙成塔的意思，所以要自己多下苦功，一定有成就的，打工的就係唔使指意，可以轉工，亦都無得升職。

　　初六：

　　問前程：自己處在下風的時候，一定要低調Ｄ，恐防會有更大的損失，來問卦的人運未到要休養生息，

　　問婚姻：問結婚就好多波折，唔贊成離婚，因為爻義，雖位不當，但系主張一開始就堅持到底，所以唔會離婚。

　　問事業：應該專心做一樣野，唔好多心，打工就一定要有專業，亦唔主張在轉右轉的。

　　六二：

　　問前程：一定要接受多Ｄ意見，最緊要就係接受自己人的意見，唔好將自己當得咁叻，佔到呢一爻的人錯在唔知自己的能力去到邊度，

　　問婚姻：結婚就好，離婚就唔主張，呢一爻系承擔得好辛苦，但系無得揀，所以唔主張離婚，

　　問事業：就主張揾人合作，亦主張創業，打工就一定好辛苦，但系唔主張轉工。

　　九三：

　　問前程：呢個來問卦的人一定唔繫好有志氣的，所以要鼓勵下佢，揾食唔系一定託大腳的，一定要腰骨挺直，唔好俾Ｄ野蒙敝，

　　問婚姻：就要有所求，唔怕低聲下氣，總要得，問結婚就好，唔主張離婚，因為呢一爻主張放低個自尊去得到一樣野，唔系放棄一樣野的，所以離婚就唔符合呢一爻的爻義，

　　問事業：做生意就好，因為做生意講究搓得圓，禁得偏，創業就好，打工唔主張轉工。

　　六四：

　　問前程：一定要清楚自己的實力，因為唔會有人幫你的，要做任何事都要靠自己，

　　問婚姻：千祈唔好嫌棄，我咁靚嫁個咁醜的覺得好唔抵，呢一爻唔贊成離婚，因為要知道自己有幾多料，唔好太高估自己。

　　問事業：唔好將全副身家去做一樣野，一定要有兩手準的能至好做，如果唔得呢就不如乖乖地打份工好過，打工仔就要萬事留一線，可以跳糟，但系都要保留個良好關係。

　　六五：

　　問前程：一定要在適當的時候先至做自己能力所及的事，同時在一班人之中，好將自己的計劃講出來，或者唔好將自己的“橋”發表。

　　問婚姻：好容易因甜言密語而有損失，唔好聽咁多好的説話，問結婚就好，因為呢一爻系話究實在的，一就一，二就二，唔系誇誇其談，問離婚就唔符合個爻義，呢一爻系講用的，離婚就係唔守信用，所以問離婚就唔主張。

　　問事業：可以合作，打工就唔主張跳糟的。

　　上九：

　　問前程：表示自己有番咁上下實力，可以做自己喜歡做的野，初初有阻滯，但系漸漸就順利，所以可以放膽去做，

　　問婚姻：如果未結婚就有排追，如果結左婚就好穩陣，打風都打唔甩，所以問離婚系唔成功的，原則上成個艮卦都唔贊成離婚的，因為艮的本義系唔主張變動的。

　　問事業：可以創業，但系要擴展就好難，向上爬就係人都想，但系過完一個山又一個山可想而知幾吃力。