第二十一卦【噬嗑】火雷噬嗑離上震下

噬嗑：亨。利用獄。

　　彖曰：頤中有物，曰噬嗑，噬嗑而亨。剛柔分，動而明，雷電合而章。

　　　　　柔得中而上行，雖不當位，利用獄也。

　　象曰：雷電噬嗑；先王以明罰敕法。

　　初九：履校滅趾，無咎。

　　象曰：履校滅趾，不行也。

　　六二：噬膚滅鼻，無咎。

　　象曰：噬膚滅鼻，乘剛也。

　　六三：噬臘肉，遇毒；小吝，無咎。

　　象曰：遇毒，位不當也。

　　九四：噬乾囗，得金矢，利艱貞，吉。

　　象曰：利艱貞吉，未光也。

　　六五：噬乾肉，得黃金，貞厲，無咎。

　　象曰：貞厲無咎，得當也。

　　上九：何校滅耳，兇。

　　象曰：何校滅耳，聰不明也。

　　第二十一卦　火雷噬嗑　講議篇

　　問前程：就一片光明，心火雷都系光明之象，但其中必有障礙，就要強硬對付，唔可以用軟弱的態度，主要系唔妥。

　　問婚姻：就唔系咁好，因為婚姻系牽涉感情的事，感情邊有好似法律咁樣，公正嚴明架，一定系一個蝕底Ｄ，一個着數Ｄ的，問結婚就好“拿拿林”攪掂佢，問離婚就即離，唔好拖泥帶水。

　　問事業：獨資做生意就好，如果合作就多問題，攪到要用法律解決，用強硬手段，所以合作就無乜好結果。

　　初九：

　　問前程：表示你想做野，或者發有野阻止，有Ｄ事拖累你做唔到，只有停低慢慢再等機會，

　　問婚姻：表示有好沉重的負?，問結婚就唔好，離婚就好，因為離婚系代表終止合約，即系唔繼續，

　　問事業：就表示要用非常手段阻止唔合自己心意的事或者人繼續。

　　六二：

　　問前程：就表示有人幫自己就要唔好客氣，唔好懶清高，因象顯示呢Ｄ事唔系自己一個人可以得的，就算繫好容易的痱，都最好揾人幫手，

　　問婚姻：大家都好容易相與，系少有的一爻，

　　問事業：就要有Ｄ好的幫手，呢Ｄ野好容易做，但繫有個好幫手就更好。

　　六三：

　　問前程：無咁大個頭就唔好戴咁大頂帽，唔好死頂，因為有小人，好易中毒，

　　問婚姻：就表示有人破壞，只要忍耐就無問題，

　　問事業：創業就唔好，因為阻滯多，問結業就好。

　　九四：

　　問前程：以為好辛苦，無乜希望，但系做落去，原來有意外的收穫，先要受挫折，因為得金矢系意外收穫，之前要噬乾胏，咬到牙到崩，咬緊牙關，要捱一輪，在好失望之時突然間有意外之喜，

　　問婚姻：好耐都無進展，要好有耐性，問結婚就好，離婚就唔好，因為經過好艱難的過程，要離婚亦表示好難離得成，

　　問事業：自己創業就好，因為呢一爻系無貴人幫，適宜自己獨力經營，利艱貞，最後的收穫都系自己的。

　　六五：

　　問前程：就一定要堅持到底，唔好中途放棄，只可以改變態度，唔可以改變方向，可以達到目的，因為要經過貞厲的階段，

　　問婚姻：結婚就好，經過波折之後有所得，問離婚就唔好，因為呢一爻系講有所得的，唔系講破壞，唔繫有所失，所以離婚系唔好的，

　　問事業：合作就好，獨資就唔好，因為合作就有不同的意見，利於轉？，可以隨時轉換方式，合作就好過獨資。

　　上九：

　　問前程：就認真多阻滯，上九陽爻居陰位，已經得唔到人和，荷校，又負重，無選擇的條件，一定要低調，要忍辱負重，

　　問婚姻：小心俾人呃，結婚就唔好，離婚就好，因為呢度負?太重，如困離婚就係脱離負?，所以離婚就好，

　　問事業：開張就唔好，執笠就好，唔好再支撐勒，背住重好辛苦。