第六卦【訟】天水訟乾上坎下

訟　：有孚，窒。惕中吉。終兇。利見大人，不利涉大川。

　　彖曰：訟，上剛下險，險而健訟。訟有孚窒，惕中吉，剛來而得中也。終兇；

　　　　　訟不可成也。利見大人；尚中正也。不利涉大川；入於淵也。

　　象曰：天與水違行，訟；君子以作事謀始。

　　初六：不永所事，小有言，終吉。

　　象曰：不永所事，訟不可長也。雖有小言，其辯明也。

　　九二：不克訟，歸而逋，其邑人三百户，無眚。

　　象曰：不克訟，歸而逋也。自下訟上，患至掇也。

　　六三：食舊德，貞厲，終吉，或從王事，無成。

　　象曰：食舊德，從上吉也。

　　九四：不克訟，復自命，渝安貞，吉。

　　象曰：復即命，渝安貞；不失也。

　　九五：訟元吉。

　　象曰：訟元吉，以中正也。

　　上九：或錫之囗帶，終朝三褫之。

　　象曰：以訟受服，亦不足敬也。

　　第六卦天水訟講議篇

　　佔到呢一卦問前程，表示時運未到，亦都表示呢個人太過堅持，一味理直氣壯，唔識轉彎，同佢身邊的人意見不合。

　　問婚姻呢段婚姻就唔系咁美滿，因為一段樣樣都講得清清楚楚的婚姻太無意思。

　　問結婚就要慢慢考慮，問離婚就表示會成功。

　　問事業合作表示會好多拗撬，唔主張創業，打工就預備轉工，因為唔可以再相處落去。

　　初六：

　　佔到呢爻問前程，表示會有好多閒言閒語，但一定要忍耐，計劃緊的事會有好多小人畜意破壞，要有心理準備。

　　問婚姻呢段婚姻就好多波折，只要萬事有商量就可以無事，如果未結婚就小心會有人破壞，但系都會成功，訟在婚姻裏面代表口角，問結婚就好，問離婚就唔符合爻義，因為訟不可長，唔可以長期拗撬。

　　問事業唔主張合作，有爭拗而又太多閒言閒語，所以合作非所宜，打工亦唔可以長期做梗一份工，所以系主張轉工。

　　九二：

　　佔到呢一爻問前程表示來問？鰝漱H現在正在處在一個唔公平的環境中，付出同收入唔成正比，但系暫時又無能改善，所以都要忍下先。

　　問婚姻見到自己鐘意的就千祈唔好放過，問結婚好快成功，問離婚如果因外來因素離婚就唔成功，如果自己的行為唔好而致到要離婚呢，就一定離得成，因為自己搞出來的。

　　問事業就唔主張合作，就算合作都唔系平等的，打工仔就主張轉工。

　　六三：

　　佔到呢一爻問前程暫時都無乜野好做，只有食住殼種先，千祈唔好心急，因為現在形勢好曳，唔適宜有大發展。

　　問婚姻如果系父母之命媒灼之言就係一段好姻緣，呢一爻適宜結婚，問離婚就唔主張。

　　問事業唔主張創業亦都唔主張合作，問結業就贊成，打工就宜靜不宜動。

　　九四：

　　佔到呢一爻問前程最忌逞強好勝，現在暫時未系發展的時候，所以就要低調Ｄ。

　　問婚姻結婚就好，離婚就唔贊成，初初會好似一定離梗，但系等等下，拖拖下就有轉機。

　　問事業就唔好合作，因為合作好容易轉太，打工就主張轉工。

　　九五：

　　佔到呢一爻問前程表示來問卦的人唔使幾耐就會遇到貴人，以前遇到唔公平的事將會得到平反，可以出番一口氣。

　　問婚姻問結婚就好，問離婚就唔符合爻義，因為呢一爻系講主持公道，平息紛爭的，離婚就係有紛爭，所以佔到呢一爻問離婚就一定會平息離唔成。

　　問事業如果做老闆就一定要公正，唔好偏袒自己人，贊成創業，但系唔主張合作，因為合作就會產生不同的意見，要揾仲裁的大人，君子，雖然會揾到一個好公正的，但系要攪成咁都唔繫好過癮，打工就唔主張張轉工。

　　上九：

　　佔到呢一爻問前程表示進行緊的事要適可而止，勉強做落去都無好結果。

　　問婚姻呢段並唔系理想的婚姻，一定系用手段得番來的，問結婚就一定唔贊成，問離婚就好。

　　問事業唔主張合作，合作好多煩惱，問創業唔好，問結業好，打工就要轉工。