第五十卦【鼎】火風鼎離上巽下

鼎　：元吉，亨。

　　彖曰：鼎，象也。以木巽火，亨飪也。聖人亨以享上帝，而大亨以養聖賢。

　　　　　巽而耳目聰明，柔進而上行，得中而應乎剛，是以元亨。

　　象曰：木上有火，鼎；君子以正位凝命。

　　初六：鼎顛趾，利出否，得妾以其子，無咎。

　　象曰：鼎顛趾，未悖也。利出否，以從貴也。

　　九二：鼎有實，我仇有疾，不我能即，吉。

　　象曰：鼎有實，慎所之也。我仇有疾，終無尤也。

　　九三：鼎耳革，其行塞，雉膏不食，方雨虧悔，終吉。

　　象曰：鼎耳革，失其義也。

　　九四：鼎折足，覆公餗，其形渥，兇。

　　象曰：覆公餗，信如何也。

　　六五：鼎黃耳金鉉，利貞。

　　象曰：鼎黃耳，中以為實也。

　　上九：鼎玉鉉，大吉，無不利。

　　象曰：玉鉉在上，剛柔節也。

　　講議篇第五十卦火風鼎

　　問前程：所謀的事一定亨通，只要唔好死牛一使頸，

　　問婚姻：系一段好的姻緣，問結婚就好，問離婚就唔符合卦義，因為呢個卦系講究守信用，同埋共同享受的，如果離婚就即系唔守信用，

　　問事業：主張創業，亦贊成合作，佔到呢一卦單獨做野系唔成功的，最好就係卦義，最少有三個人，打工就贊成轉工，因為留低系無乜前途的，因為卦象系鼎新，表示舊的要捨棄，接受新的環境。

　　初六：

　　問前程：一定要心狠有辣，千祈唔好心軟，謀事只計成果，系無理用乜野手段的，好似爻辭話，只要大左個肚就可以入宮，

　　問婚姻：利結婚，未結婚就表示會有障礙，一定要清除，唔贊成離婚，因為出否系講清除Ｄ問題的，所要離婚就一定有問題，解決左Ｄ問題就無事，

　　問事業：贊成合作創業，打工就主張轉工，因為唔轉工留低就好容易俾人做否，如果轉工就會俾人當做新貴跳糟就值錢，留低就唔值錢。

　　九二：

　　問前程：現狀就非常之唔好，但系唔使氣餒，唔使幾耐就就柳暗花明又一村，

　　問婚姻：系一段好的姻緣，利結婚，不利離婚，問離婚就要重新考慮，唔好衝動決定，

　　問事業：呢一爻合作就好，獨資就唔贊成，如果打工就唔主張轉工，初初就不受重視，但系唔使幾耐就會受重用。

　　九三：

　　問前程：暫時未可樂觀，可能會會出現臨門一腳的情形出現，會有波折，但系最後都無問題，

　　問婚姻：問結婚就好，離婚就唔贊成，因為離婚就拆開個家庭，呢一爻講有問題就要走番屋企的，即繫個家庭無散到，所以唔贊成離婚，

　　問事業：可以合作唔主張創業，因為想做一樣新野的時候出現左Ｄ唔好的兆頭，所以創業創新就唔符合爻義，如果系打工就一定好多外面的職位，引誘你，亦會有好好的條件，但系都系目前覺得幾好，呢個好唔系長久的，所以都留番在舊的地方好Ｄ，即系唔主張跳糟。

　　九四：

　　問前程：好容易信錯人，要戴眼識人，現在身邊無乜好人，

　　問婚姻：問結婚就唔好，如果未結婚就要拖住先，問離婚就好，因為睇穿左對方的真面目，因瞭解而分手，原來唔系新鮮事物，

　　問事業：唔贊成合作，亦都唔贊成創業，因為合作就一定衰“收尾”，創業有半途而廢的跡象，打工就好跳糟。

　　六五：

　　問前程：所講的事成功機會好大，初初以為無機會，只要識得走位，就柳暗花明又一村，

　　問婚姻：系一段好的姻緣，問結婚就好，問離婚就唔成，因為呢一爻平衡，離婚就即系失去平衡，

　　問事業：主張合作，亦贊成創業，因為五爻代表鼎耳，一定要兩邊，一齊用力先至可以扲起個鼎，所以制於合作，打工仔就主張轉工，因為呢一爻系主張動的，抬鬱個鼎。

　　上九：

　　問前程：呢一爻要講手段，因為自己的位置唔巖，所以要用計謀，所謀的事一定成功，

　　問婚姻：要成功一定要有番相當的代價，贊成結婚，唔贊成離婚，呢一爻問離婚系唔會成功的，因為識得調節陰陽，

　　問事業：合作就會成功，唔主張創業，因為陽居陰位，上爻又無得再上，所以創業唔成功的，打工就主張留在原位